მე ვარ გიორგი ტალახაძე. დავიბადე 1996 წლის 25 იანვარს. ვსწავლობ გორის #11 საჯარო სკოლის VII კლასში. წარმოშობით ვარ იმერეთიდან. ეს სახელი დამარქვეს პაპაჩემის საპატივსაცემოდ დამარქვეს. იგი ღირსეული ადამიანი იყო და ვეცდები მას დავემსგავსო. მეგობრები გიკოს მეძახიან.
სახელი გიორგი მომდინარეობს ბერძნული სახელიდან გეორგიოს, რომელიც თავის მხრივ წარმოებულია ბერძნული სიტყვისგან გეორგოს, "მიწათმოქმედი". სიტყვა ნაერთი სიტყვაა, წარმოებული სიტყვებისგან გე , "მიწა", და ერგონ , "ვმუშაობ".
გიორგი — ქართულ მითოლოგიაში წმინდა გიორგისთან (ქრისტიანობის გავრცელების შემდეგ) იდენტიფიცირებული პერსონაჟი. რიგ მკვლევართა აზრით, გიორგის სახელი, ისევე როგორც მასთან დაკავშირებულ მოტივთა და სიუჟეტთა უმეტესობა, ქრისტიანობამდელი წარმოშობისაა. გიორგის ხალხურმა კულტმა თავის თავში გააერთიანა სხვადასხვა ძველი წარმოდგენა, რომელთა თანახმადაც იგი არის გარეულ ცხოველებზე მონადირე, მიწათმოქმედების მფარველი, ზეციური ცეცხლის და ჭექა- ქუხილის მბრძანებელი. მოტივმა ღვთაება-მხედარზე, მონადირეზე, რომელიც თავისი ყოველწლიური სიკვდილით და აღდგომით განასახიერებდა ბუნების ყოველწლიურ კვდომას და აღორძინებას, უკვე ქრისტიანულ ეპოქაში ტრანსფორმაცია განიცადა ლეგენდად წმინდა გიორგის წამებაზე. ამ ლეგენდის თანახმად, გიორგის სხეული ღმერთმა 360 ნაწილად დაყო და იმ ადგილებში, სადაც ისინი იქნა გაბნეული, აშენდა ტაძრები. მრავალ ისტორიულ წყაროში (კათოლიკე მისიონერების და რუსი ელჩების ჩანაწერები, ქართველ ისტორიკოსთა თხზულებები) დაფიქსირებულია წარმოდგენა სამსხვერპლო ცხოველთა შესახებ, რომლებიც თითქოს თავისი ნებით მიდიან დასაკლავად გიორგისადმი მიძღვნილ ტაძრებში; თავდაპირველად ირემი მოდიოდა, მაგრამ მას შემდეგ, რაც ქალებმა წაბილწეს იგი, გასინჯეს რა მისი სამსხვერპლო ხორცი, გიორგიმ ირემი ხარით შეცვალა. ამ სიუჟეტში ასახულია უძველესი მითოლოგიური წარმოდგენების ტრანსფორმაცია - ველური ბუნების სულის გარდაქმნა კულტურული მეურნეობის (მესაქონლეობის) მფარველად. ქრისტიანული წმინდა გიორგის კულტის გავრცელების შემდეგ ამ უკანასკნელთან იგივდებოდა მრავალი ძველი ღვთაება - ჯარგი, ჯგრაგი (სვანებთან), ჯეგე (მეგრელებთან), ქართველ მთიელთა ლოკალური ღვთაებები (ჯვარი).
მე ძალიან დიდ მადლობას ვუხდი პროექტის ავტორს, რადგან ამდენი არასოდეს მიფიქრია ჩემს სახელზე და ბევრი საინტერესო ინფორმაცია მოვიძიე. ასევე ჩვენს უსაყვარლეს მედეა მასწავლებელს, რომელმაც ჩაგვრთო ამ პროექტში და მართლაც საინტერესოდ ვიმუშავეთ.